Stryn gjennomførte ein uhyre sterk bortekamp i dag, og det var ein glad gjeng som kunne juble etter kampslutt. Foto: Stig Høynes, haugenfotball.no.

Jon-Terje Tjellaug var glad og letta etter den imponerande 3-poengaren.
- Dette fortente spelarane våre. Eg er imponert av at dei har stått i nokre tunge opplevingar, og reiser seg på denne måten. Vi har fokus på utvikling, og tok nye steg i dag. I dag var vi betre og meir tålmodige med ball, og får etterkvart store rom å spele i som vi klarar å utnytte. Skryt til ALLE spelarane. Innsatsen ligg i botnen. I dag er vi der vi skal vere, og dei fullfører 100% sjølv om det er blytungt for enkelte mot slutten. Det er akkurat slik det skal vere.

3 poeng i dag gjorde at Stryn spratt over Studentspretten på tabellen.

Hubert Wdowiak scora hat-trick i dag! Foto: Stig Høynes, haugenfotball.no.

Jubel i garderoben, og vi ser at Stig Høynes er tett på der det skjer.

Sjå fleire bilder frå kampen her: https://www.haugenfotball.no/fakta230520studentsprettenstryn.htm

Studentspretten - Stryn:1-4 (0-1)

Kretsligaen, Fosshaugane Campus, laurdag 20.05.2023

Mål:
0-1 Hubert Wdowiak (45 min)
1-1 (61 min)
1-2 Hubert Wdowiak (66 min)
1-3 Steinar Hauge (77 min)
1-4 Hubert Wdowiak (90 min)

Stryn:
Kjell August Ytre-Eide, John-Erlend Bø, Jesper E. Jepsen, Jørgen Trøsken, Johannes Fredheim, Ole-Ivan Glosvik Espeland, Kevin Hoddevik, Tomas Eikenes Tjellaug, Ola Holmlund Ørjasæter, Hubert Wdowiak, Steinar Hauge.

Benytta innbyttarar:
Mohamed Ahmed, Jan Marius K. Brekke, Sander S. Tenden og Cato Gundersen.

Inge Arne Bøe var stødig bussjåfør til Sogndal i dag. Foto: Stig Høynes, haugenfotball.no.

Stryn 2 låg under 2-4, men ei meisterleg opphenting sørga for at alle poenga vart igjen i Stryn. Då var det ein glad gjeng i garderoben etter kampslutt!

Johan Teigum-Ytreeide var sikker frå straffemerket to gongar mot Svelgen/Bremanger 2. Foto: Stig Høynes, haugenfotball.no.

8 minutt før slutt utlikna Oliver Bjørkedal Eide til 4-4! Det var Oliver si første scoring på seniornivå. Foto: Stig Høynes, haugenfotball.no.

Like før slutt vart kampen avgjort. Ein presis corner av Johan Teigun Ytreeide vart stanga i mål av Sokrates Ullebø Hool. Dermed scora også Sokrates sitt første mål på seniornivå. Foto: Stig Høynes, haugenfotball.no.

Sokrates var ein glad matchvinner etter kampslutt. Foto: Stig Høynes, haugenfotball.no.

Etter fire serierundar, er det tre lag som har kapra 9 poeng i toppen av tabellen. Svelgen/Bremanger 2, Stryn og Haugen. Artig å merke seg at to av dei 3 sigrane til Stryn 2 er mot dei to andre topplaga.

Les referat frå Firda Live her:
https://www.firda.no/fotball/live/match/1/692479/2268252/

Fleire bilder her: https://www.haugenfotball.no/fakta230518stryn2svelgenbremanger2.htm

Stryn 2 - Svelgen/Bremanger 2:  5-4 (2-2)
6.div avd 4, Stryn stadion, torsdag 18.05.2023

Mål:
1-0 Vegard Sæten Hopland (14min)
1-1 (16 min)
1-2 (26 min)
2-2 Johan Teigum-Ytreeide (straffe, 30 min)
2-3 (53 min)
2-4 (60 min)
3-4 Johan Teigum-Ytreeide (straffe, 66 min)
4-4 Oliver Bjørkedal Eide (82 min)
5-4 Sokrates Ullebø Hool (89 min)

Stryn sin tropp:

• 1 Kjell August Ytre-Eide 
• 5 Hans Teodor Opsahl Haugen
• 36 Mohamed Ahmed Ahmed Said
• 37 Kristian Kobela
• 41 Cato Sæten Gundersen
• 42 Dan-Marius Glosvik Espeland
• 3 Filip Roksvåg Leirgulen
• 7 Jesper Endal Jepsen
• 9 Tarjei Tøfte Heimlid
• 10 Sander Sande Tenden
• 39 Johan Teigum-Ytreeide   
• 6 Sokrates Ullebø Hool 
• 8 Oliver Bjørkedal Eide 
• 32 Vegard Hopland
• 29 Erick Vhiestrox
• 36 John Erlend Bø
• 11 Jon-Terje Tjellaug

Stryn fotball har igjen rulla i gong laurdagstreninga. Dette er eit gratistilbud for alle ungar, 6 år og eldre som har lyst å spele fotball. Denne laurdagen var det 45 ungar på plass, i alderen 6-13 år. Økta blei leia av trenarane Stian Sandal, Lars Fredrik Sandbakk, Siri Fure og Rune Ommedal, som hadde utespelarane, medan Eirik Krossen og Roar Haugstveit køyrde ei eiga keeper økt.

I denne økta blir ein blanda både mellom kjønn og alder, og ungane tykkjer det er kjekt å spele med andre enn kva ein brukar å gjere på lagstreningane.  

Målsetninga for økta er at ein skal ha det kjekt, og at kvar enkel spelar skal få så mange touch på ballen som mulig. Det er derfor mykje øvingar med kvar sin ball. I speldelen spelar vi smålagsspel, få spelarar på kvart lag gjer at alle blir involverte i spelet og er mykje borti ballen.

På keeperdelen var det ti keeperar, alle godt fokukserte og ivirige. Vi trur dei syns det var kjekt og at det frista til gjentagelse. Det frista i alle fall trenarane så det blir heilt sikkert fleire økter.

Økta blei som alltid avslutta med ein god dose frukt til alle.

Ungane kosa seg, trenarane kosa seg, og neste laurdag er det plass til endå fleire som har lyst å spele fotball.

God helg

Hanna Tenden frå Stryn Fotball er teken ut til å delta på NFF sitt UEFA B-lisens kurs som startar i august i år. I tillegg til at ho spelar på Stryn sitt damelag er ho også Trenerrettleiar for jentefotballen i klubben. No ynskjer ho å styrke fagkunnskapen i trenaryrket og vi gratulerer med uttaket!

Også Jannike Henden Hagen (Eid), Henning Haugen (Eid) og Kathrine Bolseth (Sogndal) er tekne ut til kurset.

Søndag utfordra vi laga våre til å bli klubbens fyrste "Drømmelag"! Dette var tydelegvis noko som fenga for 2 dagar seinare har  vi fått ikkje berre eitt, men to (!), lag som har tatt utfordringa på strak arm og fått på plass gode og store team rundt laga sine

Etter Sportsleg leiar Øystein sin modell har Jenter 8 år og Jenter 10 år engasjert foreldregruppa og fått på plass hjelpetrenarar, inkluderingsansvarlige, sosialansvarlige og heiagjeng i tillegg til hovudtrenarar og lagleiarar. Godt jobba!

Men vi gjer oss ikkje her! Stryn Fotball har som målsetting at alle laga våre skal få til dette! Ved å bygge eit "Lag rundt laget" gjer ein både jobben enklare  for trenarteamet og ein skaper også ei sosial ramme som vil gjere det kjekkare for både born og vaksne, og som vi trur igjen fører til at borna blir lenger i idretten.

Så kven bli neste skal tru?

Laurdag arrangerte Hødd United Laurdagsturnering på Høddvoll i Ulsteinvik! Stryn United stilte med 8 spelarar og ein solid heiagjeng! Vi var påmeldt i 2 klassar, "Rolig" og "Racer" så det var eit tøft kamp-program. 

I "Racer"-klassen møtte vi god motstand av Kristiansund og Guard og begge kampane endte med tap etter god innsats og mange flotte scoringar og redningar. Då vi var litt knapt med spelarar til 2 lag fekk vi låne nokre spelarar frå våre venner i Hødd United i fyrste kampen i  "Rolig"-klassen. Etter to innleiande kampar mot Kristiansund og Hødd var vi klare for finale mot Kristiansund. Finalen vart ein skikkeleg spennande kamp med mange flotte scoringar, og til slutt måtte kampen avgjerast på straffekonkurranse. Etter at begge lag hadde tatt 3 straffer var stillinga 1-0 til Stryn United og vi kunne endeleg motta vår aller fyrste pokal!

På biletet ser vi heile troppen etter at vi har motteke pokalen og er klare for bankett:

Etter turneringa var det klart for bankett i Klubbhuset på Høddvoll! Her var det program og musikk av Fjøresteinane. Under banketten skulle det også delast ut Fair Play pris til eit av laga på turneringa. Og jubelen var stor i Stryneleiren når turneringsleiar Fatima Myrseth annonserte at vinnar av Fair Play prisen var Stryn United! Vi kunne dermed sete oss i bilane og reise fornøgde heim att med ikkje mindre enn 2 pokalar!

På biletet ser vi Magne Birger som var vår representant til å hente pokalen:

Vi vil gjerne få takke Hødd United for eit strålande arrangement og ein fantastisk fin dag i Ulsteinvik! Vi følte oss veldig velkomne og tatt vare på heilt frå vi kom til Stadion og vi reiste igjen! 
Trenaren vil også gjerne få takke spelarane på Stryn United, ein fantastisk kjekk gjeng å reise på tur med og gode representantar for Stryn Fotball!

Torsdag arrangerte Stryn Fotball felles foreldremøte for Barnefotballen 7-12 år på Stryn Vidaregåande Skule.

Etter litt info frå Stryn Fotball snakka Eirik Krossen (7-9 år) og Jan Tore Sunde (10-12 år) litt om korleis det er å vekse opp i Stryn i dag, og korleis Politiet i Stryn jobber opp mot born/ungdom i bygda..
Derette var det sportsleg leiar, Øystein Hesjedal, sin tur. Han presenterte sitt "Drømmelag", med sine tankar om kor viktig det er at foreldra engasjerer seg  og tar eigarforhold i fotballlaga til borna sine. Eit fotball-lag treng meir enn 2 trenarar og lagleiar for å lage gode sosiale rammer. 

Kanskje vi i år får vårt fyrste "Drømmelag" i Stryn Fotbvall? Og kva lag blir i så fall det? Vi veit at nokre lag allereie er i gong med rekrutteringa, og håper fleire av laga våre tar utfordringa. 

På biletet ser vi Øystein som er godt i gang med å presentere Drømmelaget.  

Vi startar opp lørdagstreningane førstkommende lørdag 10-11:30.

Mange skal nok delta på Kongleriket i Loen, men kanskje nokon treng ein siste finpuss på forma før dei spelar kamp?

For dei kulla som ikkje spelar kongleriket er det berre å pusse fotballskoa og møte opp.

Etter to tap, varta Stryn 2 smågutter opp med ein solid kamp borte mot Svelgen søndag. Stryn gjekk rett i strupa på Svelgen og før det var gått 30 sekund satte Marius ballen i nota. Zelim fulgte opp med to strake. Svelgen sin kretslagskeeper varta opp med fleire gode redningar og dei er nok glade det kun stod 1-3 til pause. Kaptein Dennis styrte stryneskuta stødig frå miststopparplass og seieren var vel aldri trua. Mål i andre omgang ved Didrik, Mohammed 2 og Eirik gjorde at kampen enda 3-7. Fantastisk laginnsats der alle hadde dagen. bfv: Dennis, Boye, Elias, Henrik, Ådne, Nicolai, Zelim, ffv: Magnus, Marius, Grady, Didrik, Eirik, Mohamed, Chrispe.